Kalyan Jewellers, S.N. High Road, Tirunelveli

20/17&18, Opp. Taluk Office
Tirunelveli- 627001

044-66205723

Call Now

Opens at

Articles

பளிச்சிடும் வைரங்கள் ; என்றென்றும், எங்கெங்கும்

On
ஆதி அந்தம் இல்லாத காலத்தின் கட்டுக்குள் வராத சிறப்புக்கள் வைரங்களுக்கு உண்டு. அழகான வைரங்கள் பதித்த அட்டகாசமான வடிவமைப்புகளுடன் கூடிய பளிச்சிடும் நகைகளை வாங்குவதற்கு உங்களுக்கு ஒரு காரணம் தேவை இல்லை. பண்டிகைகள் ஆகட்டும், திருமணம் ஆகட்டும், அல்லது மாலை நேரத்தில் வெறுமனே அணிந்து ஜொளிப்பதாக ஆகட்டும் ஒவ்வொரு சந்தர்ப்பத்துக்கும் ஏற்றவையாக வைரங்கள் திகழ்கின்றன. விசேஷமான நாட்களில் வைரங்கள் உங்களை ஜொலிக்க வைக்கின்றன. இப்போது குளிர்காலம் வந்துவிட்டதால், ஏராளமான திருமணங்களோடு நம்மைச் சுற்றிலும் கோலாகலமான கொண்டாட்ட உணர்வு கொப்பளிக்கிறது. சீக்கிரமே நீங்கள் ஒரு மணப்பெண் ஆகப்போகிறீர்கள் என்றால், ஆடம்பரமாக உடையணிந்து கம்பீரமாக காட்சியளிக்க விரும்பலாம். ஏனென்றால் திருமணம் உங்கள் வாழ்வில் ஒரு விசேஷமான நாள். அந்த நாளில் கோடீஸ்வரி போன்ற தோற்றமளிக்க நீங்கள் விரும்பக்கூடும். இந்த நாளில்தான் உங்களுடைய அணிகலன்களுக்கு கோடிகோடியாக நீங்கள் தயங்காமல் செலவிடுவீர்கள். உங்களுக்கு விசேஷமான நாளில் வைரங்கள் மற்றும் ஆபரணக் கற்கள் பதித்த நகைகளை அணிந்து பரவசமடைந்திட நீங்கள் பணம் முதலீடு செய்யத் தயங்குவதில்லை. வைரங்கள், பவளங்கள், மற்றும் மரகதக் கற்கள் பதித்த நெற்றிச் சுட்டி தொங்க வகிட்டில் மங்கலக் குங்குமத்தை தீற்றிக் கொள்ளுங்கள். அதுதான் இந்தியாவின் செழுமையான கைவினைக் கலையின் பாரம்பரியத்திற்கு நீங்கள் செலுத்தும் மரியாதை. நெற்றிச் சுட்டியுடன் சிறியதாக ஒரு புல்லாக்கு அணிந்து கொண்டால், உங்களுடைய பாரம்பரிய மணப்பெண் தோற்றம் முழுமை அடையும் என நாங்கள் கருதுகிறோம். இதனால் செல்வம் செழிக்கும் ஆடம்பரத்துக்கும், மென்மையான எளிமைத் தோற்றத்துக்கும் இடையே ஓர் இணைப்பு உண்டாகிறது. நீங்கள் ஒரு திருமண விழாவுக்குப் போகிறீர்கள் என்றால், சீதா மாலை போன்ற நீளமான நெக்லேசுடன் ஒரு சோக்கர் அணியுங்கள். அல்லது வெவ்வேறு நீளங்களில் அடுக்கடுக்கான நெக்லேஸ்களை அணிந்து, மெல்லிய சேலை உடுத்தினால் ஒரு தேவதை போல நீங்கள் தோற்றம் அளிப்பீர்கள். ஆனால், அடுக்கடுக்கான நெக்லேஸ்கள் ஒன்றின்மீது ஓன்று படிந்து மறைத்துவிடாமல் பார்த்துக் கொள்ளுங்கள். எனினும், நகைகளை அணியும்போது அவை பல வகைகளாக இருந்தாலும், ஒன்றுடன் ஒன்று பொருந்துவதாக இருக்கட்டும். வெவ்வேறு நிறங்களில் ஆபரணக் கற்களுடன் கூடவே, தூய வெண்மை முத்துக்களும், போல்கியும் சேரும்போது பகட்டும் பணிவும் கலந்து ஒரு ரசவாதமே நிகழ்ந்து விடும். உங்களுக்குத்தான் திருமணம் என்றால், மணப்பெண்ணுக்கான உடை சிவப்பு, பொன்னிறத்தில் ஜரிகை வேலைப்பாடுகளுடன் ஜொலிக்க வேண்டும். அப்படியானால், வைரங்களும், பவளங்களும் பதித்த தங்க ஜடாவ் நெக்லேஸுடன் காதணிகளையும், வளையல்களையும் அணியுங்கள். மிகவும் நுட்பமான வேலைப்பாடுடன் கூடிய கால் கொலுசு அணியும்போது உங்களுடைய மணப்பெண் தோற்றம் முழுமை பெறும். வைரங்களும், முத்துக்களும் பதிக்கப்பட்ட தங்க நகைகள் சிவப்பு மற்றும் பொன்னிற உடைகளுக்கு பொருத்தமாக இருக்கும். எக்காலத்துக்கும் பொருந்தக்கூடிய தெய்வீகமான டெம்ப்பிள் நகைகளை நீங்கள் அணியலாம். இவை பாரம்பரிய டிசைன்கள் மற்றும் சின்னங்களுடன் நிலையான கம்பீரத்தைத் தருகின்றன. மேலும், கைச் சங்கிலி போன்ற மிகவும் பிரபலமான, பிரத்யேகமான சிறுசிறு நகைகள் இல்லாமல் ஒரு மணத்தோற்றம் முழுமை பெறுவதில்லை. பிரேஸ்லெட்டுடன் கோர்க்கப்பட்ட சங்கிலியில் உள்ள வளையங்கள் உங்கள் கரங்களின் அழகுக்கு அழகூட்டும். வளையங்கள், மற்றும் பிரேஸ்லெட்டுகளில் பெரும்பாலும் வைரங்களும், பவளங்களும், ஆபரணக் கற்களும் பதிக்கப்பட்டு, அவை மயக்கும் ஒரு தோற்றத்தைத் தருகின்றன. ஒரு இந்தியத் திருமணத்தில் கட்டாயம் அணிந்தாக வேண்டிய நகை ஒரு ஜோடி வைர சாலிட்டர் காதணிகளாகும். வைரங்கள் பதிக்கப்பட்டு சரவிளக்கு போல் தொங்கும் லோலாக்கு உங்களை வித்தியாசப்படுத்திக் காட்டும். மேலும், இந்த சாலிட்டர் காதணிகளில் கொஞ்சம் கலரும் சேருமானால், பொதுவாக ஜெம்ஸ்டோன்கள், அது இன்னும் எடுப்பாக இருக்கும். மரகதக்கற்களுடன், வைரக்கற்கள் சேரும்போது பரவசமூட்டும் ஒரு சேர்க்கையாக அது இருக்கும். என்றென்றும் ஆண்டாண்டு காலம் நீடித்து நிலைத்திருக்கக்கூடிய பளிச் பளிச்சென மின்னும் வைர நகைகளில் முதலீடு செய்வது உண்மையிலேயே மதிப்பு மிக்கதாகும். போல்கி நகைகளில் கவர்ச்சியைக் கூட்டும் அம்சம் வைரங்களுக்கு உண்டு. போல்கி நகைகளில் தீட்டப்படாத வைரங்களைச் சேர்க்கும்போது, அவை கவர்ச்சியை அதிகரித்து, பிரத்யேகமான ஒரு விசேஷத் தோற்றத்தைத் தருகின்றன. சுத்தமான, வைரங்கள்தான் தீட்டப்படாத, அன்கட் வைரம் எனப்படுகிறது. நீங்கள் ஒரு போல்கி நகை வாங்கும்போது சுத்தமான வைரத்தை வாங்குகிறீர்கள். அது மணப்பெண்ணின் நாணிச்சிவக்கும் முகப்பொலிவுக்கு ஏற்றாற்போல அவ்வப்போது பளிச்பளிச்சென மின்னி விளையாட்டுக் காட்டுகிறது. ஓவ்வொரு நிகழ்ச்சிக்கும், ஒவ்வொரு உடை அலங்காரத்திற்கும் பொருந்துவதாக சாந்த்பாலி நகைகளை நாம் விரும்பி அணிகிறோம். விழாக்களில் கலந்து கொள்ளும்போது, பல அடுக்குகளான போல்கி வைர நெக்லேஸ் அணியலாம். அல்லது பவளம் போன்ற ஆபரணக் கற்கள் பதிக்கப்பட்ட நகைகளை அணியலாம். திருமணங்கள் மட்டுமல்ல, குளிர்கால விருந்துகளுக்கும் ஒயின் நிறத்திலான உடை அல்லது கருப்பு சாட்டின் உடை அணிந்து, அதற்குப் பொருத்தமாக ஒரு சாலிட்டெய்ர் மோதிரம் அணியுங்கள், சின்ன தொங்கட்டான் உங்கள் காதுகளில் இருந்து தொங்கட்டும். அல்லது இந்திய மரபையும், மேற்கத்திய ஃபாஷனையும் கலக்கும் வகையில் காதுகளுக்கு ஒரு மாட்டல் அணியுங்கள். மணப்பெண்கள் நவரத்தின நகைகளை விரும்பி அணிவது மிகவும் பிரபலமாகிவிட்டது. ஏனென்றால், அவை ஆடம்பரத்தை எடுத்துக் காட்டுகின்றன. வைரங்களுடன் ஆபரணக் கற்களும் சேரும்போது உங்களுடைய நகைகள் கலர்கலராக ஜொலிப்பதோடு, உங்கள் திருமண நாள் சடங்குகளில் ஜாதகபலன்களை சரியான சமநிலையில் வைக்கின்றன. காலர் உள்ள நவரத்தின நெக்லேஸ் உங்களுக்கு ஒரு ராயல் உணர்வை உண்டாக்கும். சற்றே மாடர்னாக இருந்து கொண்டு பாரம்பரியத் தோற்றம் தரவேண்டுமானால், உங்களுக்கு நவரத்தின நகைகள் மிகவும் பொருத்தமாக இருக்கும்.
Publisher: Kalyan Jewelers

கல்யாண் ஜிவல்லர்ஸ் வழங்கும் லேசான எடையுள்ள நகைகளை அணிந்து சிரமமின்றி நேர்த்தியாகக் காட்சி அளிக்கலாம்

On
லேசான எடையுள்ள நகைகளை அணிவதன் நோக்கம் அதிலுள்ள சுலபமான நடைமுறை ஆகும். ஒரு நகையை பாதுகாப்புப் பெட்டகத்தில் பத்திரமாகப் பூட்டி வைத்தும் விசேஷமான சமயங்களில் மட்டும் அதை எடுத்து அணிவதற்குப் பதிலாகத் தினமும் அணிந்து கொள்ளும்படி ஒரு நகையை உருவாக்க வேண்டும் என்பதுதான் இதன் நோக்கம். காலம்காலமாக, கனமான நகைகளைத்தான் அணிந்து வந்துள்ளனர். விசேஷமான நேரங்களில் மட்டும் பெண்கள் அணியும்படியாக அவை மிகவும் நுட்பமாக வடிவமைக்கப்பட்டன. இந்தியப் பெண்கள் ஒவ்வொருவரும் தங்கத்தை அழகின் சின்னமாக, செல்வச் செழிப்பின் அடையாளமாக, என்றென்றும் நீடித்து நிலைத்திருக்கும் எழில்தோற்றத்திற்கு ஒரு சாதனமாகத்தான் கருதி வருகின்றனர். மேலும், திருமணமாகிச் செல்லும் இளம்பெண்கள் நிதிவசதி குறையாமல் பாதுகாப்பாக இருக்க வேண்டும் என்பதற்காக, தங்க நகைகளை ‘சீதனமாக’த் தரும் வழக்கம் இருந்து வந்துள்ளது என்பதை வரலாறு காட்டுகிறது. நமது மாகாவியங்களிலும், வரலாற்று நிகழ்வுகளிலும், ஏன் சிந்து சமவெளி நாகரிக காலத்திலும் மிகவும் நுட்பமாக வடிவமைக்கப்பட்ட தங்க நகைகள் புழக்கத்தில் இருந்து வந்துள்ளன என்பதற்கும், தங்கத்தை வைத்திருப்பது சமூகத்தில் அந்தஸ்துக்கும், அதிகாரத்திற்கும் ஓர் அடையாளம் என்பதற்கும் சான்றுகள் உள்ளன. இப்போது காலம் மாறிப் போச்சு. நமது வாழ்க்கையிலும் மாற்றங்கள் வந்து விட்டன. ஆனாலும், நமது குடும்பத்தில் இருந்து கைமாறி வந்திருக்கும் தங்க நகைகளை நாம் பெரிதெனப் போற்றி வருகிறோம். பரம்பரை பரம்பரையாக ஒரு நகையை வைத்திருந்து, அதை தற்கால ஸ்டைலுடன் இணைத்து அழகுற அணிவது என்பது ஒரு வகையான கச்சிதமான அழகுணர்வைத் தருகிறது. நாம் ஒவ்வொரு நாளும் தங்க நகையை அணிய விரும்புகிறோம். அதனால்தான் லேசான எடையுள்ள நகைகளை வாங்கும் தற்கால மோகம் வேகம் பெற்றுள்ளது. கூடவே, தங்கத்தின் விலை தாறுமாறாக ஏறியிருந்தாலும், லேசான எடையுள்ள நகை வகைகள் லட்சக்கணக்கான இளம் முதலீட்டாளர்களைக் கவர்ந்துள்ளன. இந்தக் காலத்துப் பெண்கள் குடும்பப் பொறுப்பையும், வெளி வேலையையும் ஒரே மாதிரி கம்பீரமாகச் சமாளிப்பதைப் பார்க்கும்போது, அவர்கள் தங்களது வாழ்க்கை முறைகளுக்கு ஏற்ப லேசான எடையுள்ள தங்க நகைகளை அணிந்து அழகுற காட்சியளிப்பதைப் போலிருக்கிறது. அது மட்டுமல்ல, ஒரு பார்ட்டியில் ஸ்டைலாக நீங்கள் வித்தியாசமான தோற்றத்தில் காட்சியளிப்பதற்காக, வங்கி லாக்கரை உடைக்கத் தேவையில்லை என்பதை லேசான எடையுள்ள நகைகள் காட்டுகின்றன. லேசான எடையுள்ள நகைகள் மீதான விருப்பம் குறையாமல் இருக்கும் என்பதற்கு இவை மட்டும் காரணமல்ல. நாம் லேசான எடையுள்ள நகைகளை விரும்புவதற்கு அங்கும் இங்குமாகப் பல காரணங்கள் உள்ளன. சிரமமின்றி அணிவதற்கும், சுமப்பதற்கும் பொருத்தமானது லேசான எடையுள்ள நகைகள் நகைகளை நாம் தேர்ந்தெடுக்கும்போது நமது சௌகரியம் என்ன என்பதைத்தான் நாம் முதலில் பார்க்கிறோம். உதாரணமாக, கனமான காதணிகளை அணிவதால் உங்களுடைய காது மடல்கள் கீழ்நோக்கி இழுபடுகின்றன என்பதையும், காது மடல்களில் இருந்து ரத்தம் வடிவதையும், அல்லது வலி எடுப்பதையும் நீங்கள் கவனித்திருக்கிறீர்களா? பாரம்பரியமான கனமான நெக்லேசை அணியும்போது, அது என்னதான் அழகாகக் காட்சியளித்தாலும், கோடைகால மாலை வேளைகளில் அது உங்கள் நடமாட்டத்தைக் கட்டுப்படுத்துவதையும் கவனித்திருக்கிறீர்களா? மொடமொடப்பான காட்டன் உடைகளுக்குப் பொருத்தமான நகைகளை நீங்கள் விரும்புகிறீர்கள் இல்லையா? லேசான எடையுள்ள கைவளையல்கள், காதணிகள், அல்லது நெக்லேஸ்களை கல்யாண் ஜிவல்லர்ஸ் வழங்கும்போது செயற்கை நகைகளையோ, வெள்ளி நகைகளையோ ஏன் வாங்க வேண்டும்? பலரகங்களில் லேசான எடையுள்ள நகைகள் இந்தியாவில் உருவாக்கப்படும் பாரம்பரிய நகைகள் பலவகையான ஸ்டைல்களில் வருகின்றன. அவை இந்தியக் கலை நுணுக்கங்களை மிகவும் அற்புதமாகப் பயன்படுத்தி தயாரிக்கப்படுகின்றன. குந்தன், மீனாகாரி, ஜடௌ போன்ற பாரம்பரிய நகைகள் லேசான எடையுள்ளவை என்பது மட்டுமல்ல, அவை மிகவும் பொருந்திப் போவதாகவும் உள்ளன. ஒயிட் கோல்டு, பிளாட்டினம் ஆகியவற்றை அடிப்படையாகக் கொண்டு, எல்லா ஸ்டைகளிலும் லேசான எடையுள்ள நகைகள் செய்யப்படுகின்றன. மேலும், நமது செழுமையான கலாச்சார மரபுகளில் இருந்து உணர்வூக்கம் பெற்று பொன்னிறத் தங்கம், ம்யூட்டட் கோல்டு என்று பல வகைகளில் உற்பத்தி செய்யப்படுகின்றன. லேசான எடையுள்ள நகைகளின் அழகு சில சமயங்களில் கனமான பாரம்பரிய நகைகளை அணியும்போது, அவை உடைகளின் அழகை அல்லது விழாவின் சிறப்பை குறைத்து விடக்கூடும். எனினும், லேசான எடையுள்ள நகைகளை அணியும்போது உங்களுடைய ஆஃபீஸ் உடைகள் அல்லது மூவி டேட்டிங் செல்லும்போது உங்களுடன் வருகிறவரின் கம்பீரத்தை உயர்த்திக் காட்டுகின்றன. புதுமையை விரும்புவோருக்கு லேசான எடையுள்ள நகைகள் கச்சிதமாகப் பொருந்தக் கூடியவை. மேலும், உங்களுக்கென தனியாக ஒரு ஸ்டைலை உருவாக்கிக் கொள்ளும் நேக்குப்போக்கான தன்மையும் இவற்றில் உள்ளன. அடுக்கடுக்கான வளையல்கள், மற்றும் டஜன் கணக்கிலான கைவளையல்கள் அணிந்து பார்த்து விழாவில் ஒரு டிவிஸ்ட்டை ஏற்படுத்துங்கள். லேசான எடையுள்ள நகைகள் எளிதில் வாங்கக்கூடிய விலையில் கனமான, பாரம்பரிய நகைகளில் இருப்பதை விட குறைவான தங்கம்தான் இந்த லேசான எடையுள்ள நகைகளில் பயன்படுத்தப்படுகின்றன. எனவே, அவற்றின் விலை உங்களால் தாங்கிக் கொள்ளக்கூடிய அளவில் இருக்கின்றன. ஒரு நகையை மட்டும் வாங்குவதை விட்டு, பல நகைகளை நீங்கள் வாங்க முடிகிறது. மணப்பெண்ணுக்கான நகையை விட கொஞ்சம் சின்னதான நாத் வாங்கி, அதை உங்களுடைய பாய் ஃபிரண்ட்-உடன் ஜீன்ஸ் அணிந்து சென்றால் எல்லோரும் உங்களைத் திரும்பிப் பார்ப்பார்கள். லேசான எடையுள்ள நகைகளை அதிகம் அணியலாம் 8 முதல் 10 கிராம் வரை எடையுள்ள 22 காரட் சுத்தமான தங்க நெக்லஸ் அல்லது வைர பெண்டண்ட் பொருத்தப்பட்ட செயின் என்று நகைகளை இணைத்து அணியலாம். ஒரு நகையின் விலையில் நான்கு நெக்லேஸ்களை வாங்குவது மணப்பெண்ணுக்கு புத்திசாலித்தனமானது அல்லவா. லேசான எடையுள்ள நகைகளின் ஸ்டைல் லுக் 1: இந்த லுக் பகலில் மேற்கத்திய உடை அணிவோர்களுக்கானது. உதாரணமாக, நீங்கள் பகல் பொழுதில் ஜீன்ஸ் அல்லது டிரவுசருடன் ஒரு சர்ட் அல்லது டி-சர்ட் , காஷுவல் டிரெஸ் அல்லது ஸ்கர்ட், அல்லது ஒரு ஃபார்மல் சூட் அணியக்கூடும். அப்படிப்பட்ட நிலையில், அடுக்கடுக்கான மெல்லிய செயின்களை அல்லது ஒரு பெண்டண்ட் உள்ள செயின்களை நாங்கள் பரிந்துரைக்கிறோம். உங்களுடைய கலருக்குப் பொருத்தமான கற்கள் பதித்த பெண்டண்டுகளைத் தேர்ந்தெடுங்கள். சுமார் 3-4 கிராம் எடையுள்ள ரோஸ் கோல்டு செயினில் வண்ணவண்ணக் கற்களும் வைரங்களும் பதிக்கப்பட்டு அணிந்தால் அது உங்களுடைய உடைகளைத் உயா்த்திக் காட்டும். காதுகளுக்கு நீங்கள் ஸ்டட் அணிவது நன்றாக இருக்கும். அவை பளபளப்பை எடுப்பாக்குவதோடு, செமி காஷுவல் உடைகளுக்குப் பொருத்தமாக இருக்கும். ஸ்டட் காதணிகள் சின்னதாக இருப்பதற்காக அவற்றின் கவர்ச்சி குறைவானது என்று நினைத்து விடாதீர்கள். லுக் 2: இந்த லுக் பகலில் இந்திய உடைகளை அணிவோருக்கானது. இது செழுமையான, மிகவும் எடுப்பான, நமது பாரம்பரியத்துடன் தொடர்புடையது. நீங்கள் அணியும் சல்வார் சூட் அல்லது சௌகரியமான குர்த்தி-டெனிம் உடைகளுக்குப் பொருத்தமாக சிம்ப்பிளான பிரேஸ்லெட்டுக்கு நவீனமான இந்தோ-வெஸ்ட்டர்ன் டிவிஸ்ட் கொடுத்து, சிம்ப்பிளாக ஒரு ஜோடி காதணிகள் அணியலாம். ஒரு ஃப்யூஷன் பிரேஸ்லெட்டையும் இக்காலத்திற்கே உரிய பலகலாச்சாரத் தன்மைகளுடன் கூடிய டிசைன்களுடன் தேர்ந்தெடுக்கலாம். உங்கள் மணிக்கட்டில் மின்னக்கூடிய அழகான கற்கள் பதித்த ஒரு பெண்ட்டண்ட்டுடன் இந்த பிரேஸ்லெட் வருகிறது, இது அனைவரின் கவனத்தையும் ஈர்க்கும். ஆனால் என்னதான் நகைகள் அணிந்தாலும் காதணிகள் இல்லாமல் எந்த லுக்கும் முழுமை அடைவதில்லை. எனவே சின்னதாகத் தொங்கும் காதணிகளை நாங்கள் பரிந்துரைக்கிறோம். இந்தக் காதணிகள் லேசான எடையுள்ளவை. ஆனாலும் எடுப்பாக உங்கள் உடைகளின் அழகை எடுத்துக் காட்டக்கூடியவை. மஞ்சள் அல்லது ஒயிட் தங்கத்தில் முத்து பதித்த காதணிகளை நாங்கள் பரிந்துரைக்கிறோம். லுக் 3: இரவில் பளிச்பளிச்சென மின்னுவதற்கு மிருதுவான, செழுமையான உடைகளைத் தேர்ந்தெடுங்கள். எல்பிடி அல்லது பாஷ்மினா தேர்ந்தெடுத்தால் மெய்சிலிர்க்க வைக்கும் நிகழ்வு. எடுப்பான மோதிரங்கள் மற்றும் காதணிகளை நாங்கள் பரிந்துரைக்கிறோம். இருட்டான வெளியிடங்களுக்குப் போகும்போது பிளாட்டினத்தில் நீல சஃபயர் பெண்டண்ட்டை தேர்ந்தெடுங்கள். பிளாட்டினம் மற்றும் ஸ்வரோவ்ஸ்கி காதணிகளை நாங்கள் பரிந்துரைக்கிறோம். இது போன்ற காதணிகள் நீங்கள் காது குத்தியிருந்தால் பொருத்தமாக இருக்கும். சற்றே கருப்பான உடைகள் அணியும்போது இதன் கவர்ச்சிக்கு ஈடிணையில்லை. நாங்கள் தெரிவிக்கும் இன்னொரு யோசனை பிளாட்டினத்தில் பதிக்கப்பட்ட ஹூப்டு காதணிகள். இவற்றில் சின்னச்சின்ன வைரக்கற்கள் மின்னி உங்களுக்கு பிரத்யேக அழகைத் தரும். நீங்கள் எந்த பார்ட்டிக்குப் போனாலும் வித்தியாசமாகத் தெரிவீர்கள். ஒருவர் ஓர் அறைக்குள் நுழையும்போது அவருடைய வருகையை அறிவிப்பது போல எடுப்பான ஸ்டேட்மெண்ட் மோதிரத்தில் வெளிச்சம் பட்டு பளிச்சென மின்னலடிப்பது போல ஒளிர்வதை பெரிதும் பாராட்டுவார்கள். ஸ்டேட்மெண்ட் மோதிரங்கள் டிரெண்டியாக உள்ளன. சிலர் ஒவ்வொரு விரலிலும் ஸ்டேட்மெண்ட் மோதிரங்களை அணிவதை விரும்புகிறார்கள். ஆனால், ஒவ்வொரு கையிலும் ஒன்று அல்லது இரண்டு மோதிரங்களே போதும்.
Publisher: Kalyan Jewelers

Can we help you?