Kalyan Jewellers India Limited - Articles

இந்திய திருமணங்கள் துடிப்பானவை, வண்ணமயமாக, விழாக் கால கொண்டாட்டங்களுடனும், போற்றப்படும் பாரம்பரியங்களுடனும் நிகழ்பவை. வசந்த காலமும் கோடைக் காலமும் உலகை தங்கள் கதகதப்பால் தழுவும் போது, சூரியன் தனது பொன்னிற கதிர்களை நீல வானில் ஒளிர விட, இயற்கை தன் மலரும் வண்ணங்களால் பூமியை அலங்கரிக்க, இந்த திருமணங்கள் மனதை மயக்கும் விதத்தில் நிகழுகின்றன. இது போன்ற மனோகரமான பருவத்தில், இந்திய மணப்பெண்கள் தங்கள் பயணத்தின் முக்கியத்துவத்தை பிரதிபலிக்கும் வகையில் நகைகளால் அலங்கரிக்கப்பட்டு ஒரு ஒளிமயமான உலகில் அடியெடுத்து வைக்கிறார்கள்.

இந்திய திருமணங்களின் மையத்தில், செழிப்பு, தூய்மை மற்றும் நேர்த்தியை குறிக்கும் வகையில், தங்கத்தின் காலத்தை வென்ற கவர்ச்சி உள்ளது. வசந்த மற்றும் கோடை கால திருமணங்களில், தங்கம் ஒரு புதுப்பிக்கப்பட்ட முக்கியத்துவத்தை பெறுகிறது. நுணுக்கமாக வடிவமைக்கப்பட்ட நெக்லஸ்களோ அல்லது ஒவ்வொரு அசைவுடனும் இசைபாடும் அலங்கரிக்கப்பட்ட வளையல்களோ, தங்கம், காலத்தால் அழியாத அழகின் சின்னமாக விளங்குகிறது. தங்க காதணிகள், அவை வெறும் தோடுகளாக இருந்தாலும் அல்லது  தொங்கும் அழகான தொங்கட்டான்களாக இருந்தாலும் மொத்த தோற்றத்திற்கும் ஒரு கவர்ச்சியான விளக்கத்தை அளிக்கின்றன. மணமகள் நகைகளை வெறும் அலங்காரத்திற்காக மட்டும் அணிவதில்லை: தலைமுறைகளை கடந்த காதல் மற்றும் மரபு வழிக் கதைகளும் இந்த நகைகளுடன் அவளுக்கு அவள் முன்னோர்களால் அளிக்கப் படுகின்றன.

தங்க நகைகள் கோடை கால திருமணங்களுக்கு, ஒரு சிறந்த தேர்வாக தொடர்ந்தாலும், வெள்ளை மற்றும் ரோஸ் நிற தங்கத்தையும் சேர்ப்பதால், அவை ஒரு சம கால மற்றும் அதி நவீன  தோற்றமும் பெறுகின்றன.

திருமண நாகரிகத்தில், குறைந்தபட்ச நகையும் எடுப்பாக இருக்கும் மற்றும் ஒரு நேர்த்தியான அழகை வழங்கும். ஒரு ரோஸ் கோல்டு சோக்கர் நெக்லஸ் போன்ற தனித்துவம் வாய்ந்த நகை அல்லது தடிமனான தங்க செயினுடன் காதோடு ஒட்டிய ஸ்டட்கள் போன்ற குறைவாக தோன்றும் நகைகளை இணைத்து ஒரு ஒத்திசைவான தோற்றத்தை பெறுங்கள். ஒரு ஒற்றை நெக்லஸ், , பொருத்தமான காதணிகள் மற்றும் ஒரு ஜோடி வளையல்கள் மணப்பெண்ணிற்கு ஒரு எடுப்பான மற்றும் அழகான தோற்றத்தை வழங்கும்.

அழகாகப் பூத்திருக்கும் மலர்களாலான பூச்செண்டு போல் இந்திய மணப்பெண்கள் பல வண்ண ரத்தினக் கற்கள் மற்றும் வைரங்களாலான மாலையால் தங்களை அலங்கரித்துக் கொள்கின்றனர். மயக்கும் அழகை உமிழும் ரத்தினங்களிலிருந்து, அமைதியாக வசீகரிக்கும் நீல நிற கற்கள் வரை ஒவ்வொரு ரத்தினமும் ஒரு அழகு மற்றும் வேட்கையின் கதையை சொல்கின்றன. பச்சைப் புல்வெளியை நினைவுறுத்தும் மரகதங்கள் பதிக்கப் பெற்ற நெக்லஸாகட்டும் அல்லது நட்சத்திரங்களால் ஒளிரும் ஆகாயத்தை பிரதிபலிக்கும் வைரங்களாலான பிரேஸ்லெட்டாகட்டும், ரத்தினங்கள் திருமண நாளுக்கு ஒரு மயக்கும் உணர்வை கூட்டுகின்றன.

வசந்த மற்றும் கோடை கால திருமணங்களின் வளத்தையும் இயற்கையின் கால வரம்பற்ற காதலையும் கொண்டாட பூக்களின் வடிவத்தை விட சிறந்த் வழி என்ன இருக்க முடியும்? நளினமான காதணிகளிலிருந்து தனித்துவம் வாய்ந்த நெக்லஸ்கள் வரை மணப்பெண்ணின் நகைகளில் பூக்களின் வடிவங்கள் சலனப்படுத்தும் வகையிலான வசீகரத்தை உட்புகுத்துகின்றன. தனித்துவம் வாய்ந்த காதணிகளிலிருந்து இனிமையாக ஒலியெழுப்பும் வளையல்கள் வரை ஒவ்வொரு நகையும், மணப்பெண்ணின் அலங்காரத்துக்கு நளினத்தை கூட்டுகின்றன.நளினமான ஃபிலிக்ரி வேலைப்பாட்டுடனான பூ வடிவ மோதிரங்கள் உங்கள் திருமண நகைகளுக்கு ஒரு கவர்ந்திழுக்கும் வசிகரமான இணைப்பு.

வசந்தகால மற்றும் கோடை கால திருமணங்களில், மணப்பெண்ணின் நகைகள் கால வரம்பற்ற நேர்த்தியை வெளிப்படுத்துகின்றன. நாகரிக போக்குகள் உருவாகலாம் , ஆனால் தங்கம், வைரங்கள் மற்றும் ரத்தினக் கற்களின் நீடித்த கவர்ச்சி நிலையானது மற்றும் போற்றிப் பாதுகாக்கும் நினைவுகளை உங்கள் மிக அழகிய நாளுடன் பின்னிப் பிணைக்கின்றன.