Kalyan Jewellers, Hamdan Street, Abu Dhabi

Shop No-1 & 2, Omeir Bin Yousuf Mosque - Zone 1E3-01
Abu Dhabi- 43680

(971)800-0320969

Call Now

Opens at

<All Articles

ಕಲ್ಯಾಣ್ ಜ್ಯುವೆಲ್ಲರ್ಸ್‌ನಿಂದ ಓಣಂ ಆಭರಣಗಳು

ಕೇರಳದಲ್ಲಿ ಈಗ ಚಿಂಗಮ್‌ ಸಂಭ್ರಮ. ನಾಡಿನೆಲ್ಲೆಡೆ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಪ್ರತಿ ಮಲಯಾಳಿಗೂ ಓಣಂ ಎಂಬುದು ಅತ್ಯಂತ ಖುಷಿ ನೀಡುವ ಮತ್ತು ಆತ್ಮೀಯ ಸಂಭ್ರಮ. ಇಡೀ ಜಗತ್ತಿನಲ್ಲಿ ಇದನ್ನು ಸಂಭ್ರಮ ಮತ್ತು ಉತ್ಸಾಹದಿಂದ ಆಚರಿಸಲಾಗುತ್ತದೆ. ಈ ಸಾಂಕ್ರಾಮಿಕ ರೋಗವು ಸಂಭ್ರಮಾಚರಣೆಗೆ ತಣ್ಣೀರೆರೆದಿರಬಹುದು. ಆದರೆ, ಓಣಂ ನೀಡುವ ಸ್ಫೂರ್ತಿ ಮತ್ತು ಬಾಂಧವ್ಯಕ್ಕೇನೂ ಇದು ಬಾಧಿಸಿಲ್ಲ.

ಅಸುರರ ರಾಜ ಮಹಾಬಲಿಯ ಸ್ವಾಗತ ರೂಪದಲ್ಲಿ ಓಣಂ ಆಚರಣೆ ಮಾಡಲಾಗುತ್ತದೆ. ಹಿಂದು ಪುರಾಣದ ಪ್ರಕಾರ ಮಹಾಬಲಿ ಈ ಭೂಭಾಗವನ್ನು ಆಳಿದ್ದ. ಜನರು ತಮ್ಮ ಮನೆಗಳನ್ನು ಸ್ವಚ್ಛಗೊಳಿಸಿ, ಸುಂದರ ಹೂವುಗಳಿಂದ ಅಂಗಳವನ್ನು ಅಲಂಕರಿಸುತ್ತಾರೆ. ಬಣ್ಣ ಬಣ್ಣದ ಬೆಳಕಿನ ದೀಪಗಳಿಂದ ಪ್ರಕಾಶಗೊಳಿಸುತ್ತಾರೆ ಮತ್ತು ಪೂಕಳಂ ಮಧ್ಯದಲ್ಲಿ ಇಡುವುದಕ್ಕಾಗಿ ಮಣ್ಣಿನಿಂದ ಒಣತಪ್ಪನ್
ಮಾಡುತ್ತಾರೆ. ಸಾದ್ಯ ಎಂದು ಕರೆಯಲಾಗುವ ಊಟವನ್ನು ಸಿದ್ಧಪಡಿಸಲಾಗುತ್ತದೆ. ಇದಂತೂ ಆಹಾರ ಪ್ರಿಯರಿಗೆ ಭೂರಿಭೋಜನವಾಗಿರುತ್ತದೆ.

ಸ್ಥಳೀಯ ನೇಕಾರರು ನೇಯ್ಗೆ ಮಾಡಿದ ಕಸವು ಸೀರೆಯನ್ನು ಮಹಿಳೆಯರು ಧರಿಸುತ್ತಾರೆ. ಈ ಸೀರೆಯ ವಿಶೇಷತೆಯೆಂದರೆ, ಕ್ರೀಮ್ ಬಣ್ಣದಲ್ಲಿ ಇರುತ್ತದೆ ಮತ್ತು ಚಿನ್ನದ ಬಣ್ಣದ ಝರಿ ಇದಕ್ಕಿರುತ್ತದೆ. ಇದು ಎಷ್ಟು ಜನಪ್ರಿಯವೆಂದರೆ, ಇದಕ್ಕೆ ಓಣಂ ಸೀರೆ ಎಂದೇ ಕರೆಯಲಾಗುತ್ತದೆ. ಕಸವು ಸೀರೆಗೆ ಯಾವುದೇ ಪ್ರಖರ ಬಣ್ಣದ ಬ್ಲೌಸ್ ಹೊಂದಿಕೆಯಾಗುತ್ತದೆ. ಮಲ್ಲಿಗೆ ಹೂವು ಮತ್ತು ಹೊಳೆಯುವ ಓಣಂ ಆಭರಣಗಳನ್ನು ಧರಿಸಿದಾಗ, ಅದ್ಭುತ ಲುಕ್ ನೀಡುತ್ತದೆ.

ಓಣಂ ಅನ್ನು ಸಂಪತ್ತು ಮತ್ತು ಪ್ರಗತಿಯ ದ್ಯೋತಕವಾಗಿಯೂ ಆಚರಿಸಲಾಗುತ್ತದೆ. ಈ ಮಂಗಳಕರ ಸನ್ನಿವೇಶಕ್ಕೆ ಚಿನ್ನದ ಆಭರಣವನ್ನು ಧರಿಸುತ್ತಾರೆ. ಕೋಡ ಕಡುಕ್ಕನ್‌, ಕಸು ಮಲೈ ಮತ್ತು ಮಲ್ಲಿಗೆ ಮೊಗ್ಗಿನ ನೆಕ್‌ಲೇಸ್, ನೆಲ್ಲಿಕಾ ಮಲೈ, ಆಕರ್ಷಕವಾದ ಸಾಂಪ್ರದಾಯಿಕ ದೇವಸ್ಥಾನ ಆಭರಣ ಸೆಟ್‌ ಈ ಓಣಂಗೆ ಒಂದು ಉತ್ತಮ ಲುಕ್ ಅನ್ನು ನೀಡುತ್ತದೆ.

ಹೊಸ ಕಾಲದಲ್ಲಿ ಹೊಸ ತಲೆಮಾರಿನ ಜನರು ತಮ್ಮದೇ ಶೈಲಿಯನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಇದರಿಂದ ಈ ಸ್ಟೈಲಿಂಗ್‌ಗೆ ಇನ್ನಷ್ಟು ವೈಶಾಲ್ಯತೆ ಲಭ್ಯವಾಗಿದೆ. ಹಗುರ ಮತ್ತು ಸಣ್ಣ ಪ್ರಮಾಣದ ವಿನ್ಯಾಸಗಳು ನಮ್ಮ ಪ್ರಸ್ತುತ ತಲೆಮಾರಿನ ಜನರಿಗೆ ಅತ್ಯಂತ ಅಚ್ಚುಮೆಚ್ಚು. ಕಸವು ಸೀರೆ ಕ್ರೀಮ್ ಮತ್ತು ಚಿನ್ನದ ಬಣ್ಣದ್ದಾಗಿರುವುದರಿಂದ, ಹವಳಗಳನ್ನು ಅಳವಡಿಸಿದ ಚಿನ್ನದ ಆಭರಣಗಳು ಅತ್ಯುತ್ತಮ ಮಾನೋಟೋನ್ ಔಟ್‌ಲುಕ್ ನೀಡುತ್ತದೆ. ಸರಳವಾಗಿದ್ದರೂ ಈ ಲುಕ್‌ಗಳು, ತಮ್ಮದೇ ಶೈಲಿಯಲ್ಲಿ
ವಿಶಿಷ್ಟವಾಗಿವೆ ಮತ್ತು ಪ್ರಸ್ತುತ ತಲೆಮಾರಿನ ಆಸಕ್ತಿಗೆ ಸೂಕ್ತವಾಗಿದೆ.

ವೈಭವಯುತವಾಗಿರಲಿ ಅಥವಾ ನವಿರಾಗಿರಲಿ, ಆಧುನಿಕ ಕಾಲದಲ್ಲಿ ಶತಮಾನಗಳ ಹಳೆಯ ಸಂಪ್ರದಾಯಗಳ ಒಂದು ಮಿಶ್ರಣ ಈ ಓಣಂ ಆಗಿದೆ. ಕಲ್ಯಾಣ್ ಜ್ಯುವೆಲ್ಸ್‌ ನಿಮಗೆ ಹಲವು ಆಯ್ಕೆಗಳನ್ನು ಮತ್ತು ಸ್ಟೈಲ್‌ಗಳನ್ನು ನಿಮ್ಮ ಮೆಚ್ಚಿನ ವಿಧದಲ್ಲಿ ಒದಗಿಸುತ್ತದೆ.

Can we help you?